Жарияланған күні: 04.03.2025 14:05
Өзгертілген күні: 04.03.2025 14:11

2025 жылдың наурызында салық төлеушілер есеп беру және салық төлеу бойынша бірқатар міндеттемелерді орындауы керек. Өсімпұлдар есептелмеу үшін заңнамада белгіленген мерзімде салықтар мен бюджетке төленетін басқа да міндетті төлемдерді уақытылы және толық төлеу қажет, – деп хабарлайды Алматы қаласы бойынша Мемлекеттік кірістер департаменті.

 

САЛЫҚ ЕСЕПТІЛІКТЕРІ:

2025 ж. 17 наурыз:

  • 400.00 және 421.00 нысандары 2025 ж. қаңтар айына – акциз бойынша декларация және салық салуға қатысты құрылымдық бөлімшелер немесе объектілер бойынша есеп.

2025 ж. 20 наурыз:

  • 328.00 нысаны 2025 ж. ақпан айына –тауарларды әкелу және жанама салықтарды төлеу туралы өтініш.

2025 ж. 31 наурыз:

  • 100.00, 110.00, 150.00, 180.00 нысандары 2024 жылға – КТС бойынша декларация;
  • 101.04 нысаны 2024 жылдың 4-тоқсанына – бейрезиденттің табысынан төлем көзінде ұсталған КТС бойынша есеп;
  • 220.00 нысаны 2024 жылға – ЖТС бойынша декларация (жалпыға бірдей белгіленген салық салу тәртібін және ауыл шаруашылығы өнімдерін өндірушілер мен ауыл шаруашылығы кооперативтері үшін АСР қолданатын ЖК үшін);
  • 240.00 нысаны 2024 жылға – ЖТС бойынша декларация (бейрезидент және резидент-еңбек иммигранттары үшін);
  • 540.00 нысаны 2024 жылға – үстеме пайда салығы бойынша декларация;
  • 700.00 нысаны 2024 жылға – жер салығы, мүлік салығы, көлік салығы бойынша декларация;
  • 871.00 нысаны 2024 жылға – жалға беру шарттары тізілімі;
  • 912.00 нысаны 2024 жылға – тіркелген шегерім пайдаланылатын АСР бойынша декларация;
  • 920.00 нысаны 2024 жылға – бірыңғай жер салығын төлеушілерге арналған декларация.

 

ТӨЛЕМДЕР:

2025 ж. 20 наурыз:

  • 2025 ж. ақпан айына ЕАЭО-да ҚҚС;
  • 2025 ж. ақпан айына акциз, ЕАЭО-дан импортталған тауарларды қоса алғанда.

2025 ж. 26 наурыз:

  • 2025 ж. наурыз айына КТС аванстық төлемдері;
  • 2025 ж. ақпан айында төленген табыстардан КТС, ЖТС;
  • Арнайы мобильді қосымшаны қолдана отырып АСР қолданатын ЖК-нің 2025 ж. ақпан айындағы табыстарынан ЖТС;
  • 2025 ж. ақпан айына бірыңғай төлем, әлеуметтік салық, әлеуметтік аударымдар, МӘМС бойынша жарналар мен аударымдар, МЗЖ, МКЗЖ, ЖБМЗЖ.
  • Сыртқы (көрнекі) жарнаманы орналастырғаны, радиожиілік спектрін пайдаланғаны, қалааралық немесе халықаралық телефон байланысын, сондай-ақ ұялы байланысты ұсынғаны, жекелеген қызмет түрлерімен айналысуға арналған лицензияны пайдаланғаны, жер учаскелерін пайдаланғаны үшін төлем.

 

Есептіліктерді «Салық төлеушінің кабинеті» арқылы (https://cabinet.kgd.gov.kz), сондай-ақ екінші деңгейдегі банктердің және e-Salyq Business мобильді қосымшаларының көмегімен ұсынуға болады.