АЛМАТЫ ӘУЕЖАЙЫНДА АСА ІРІ МӨЛШЕРДЕ «ГЕРОИН» ЕСІРТКІ ЗАТЫН ТАСЫМАДАҒАНЫ ҮШІН ҚР АЗАМАТЫ ҰСТАЛДЫ.

Алматы қаласы бойынша мемлекеттік кірістер Департаментінің экономикалық тергеу қызметінің есірткі және тыйым салынған заттардың заңсыз айналымына қарсы әрекет ету Бөлімімен ағымдағы жылдың 7 сәуірі сағат 20:55-те , қызметтік-іздестіру итінің көмегімен Алматы халықаралық әуежайының залында есірткі заттарды сақтау және тасымалдау бойынша күдік тудырған, «Бішкек-Алматы» авиарейсімен келген 1985 ж. туылған ҚР азаматы ұсталды.

Аталған азаматтың асқазанында, ұнтақталған заттан тұратын мөлдір түсті полимерлі буылған екі түйіншекті тасымалдағаны анықталды.

Сарапшының қорытындысы бойынша, аса ірі мөлшерге жататын, жалпы салмағы 77 граммнан тұратын ұнтақталған зат - «героин» есірткісі екені анықталды.

Қазіргі уақытта, ұсталған тұлға тергеу изоляторында ұсталуда. Мүлікті тәркілеумен бес жылға дейiнгi мерзiмге бас бостандығынан айыру жазасын көздейдін, ҚР Қылмыстық кодексінің 296 б. 4 т. сәйкес қылмыстық іс қозғалды. Мемлекеттік кірістер органдары есірткі және тыйым салынған заттардың заңсыз айналымына тұрақты түрде қадағалауды жүзеге асырады.